Kva er dette

Du opnar i 1 NT (motparten melder berre pass) og meldingsforløpet fortset slik:

Kva meiner makker med 2 spar? Kva har han? Er det krav? Det verkar som det er masse forskjellige oppfatningar av dette, så eg lurer på kva de meiner...

Det ser ut til at fleirtalet ville oppfatta dette som ei svak hand med fire hjerter og fem spar. Her er svara - takk til alle som har svart:

Oddmund

Slik eg ser det har makker fint lite poeng og begge major, minst 5 spar og 4 hj. Eg reknar med at vi spelar med overføringar, og dermed oppfattar ikkje eg dette som krav. Vil makker meir enn i delkontrakt, overfører han/ho til spar og krev med 3 hjerter etterpå. Dersom systemet seier at 2 kl er krav til utgang med ein eller begge major og handa inneheld 5-4 fordeling i major, kan makker spørre vidare med 3 kløver etter evt 3-kortfarge i spar ( for evt. å få kontrakta på sterkaste handa ).
Så konklusjonen min er at dette er for spel.

Leif

For meg er dette for spel med lenger spar enn hjerter. Meir avansert treng det ikkje å vera. Med same korta (lengre spar) og krav så overfører eg i første omgang. Ein gong i tida spelet eg rett nok ein variant der dette var nytt spørsmål, men då bør ein verkeleg spele mykje.

Dagfinn

Eg kan ikkje forstå anna enn at dette IKKJE kan vere krav. Makker må ha 5-4 i major og ei begrensa hand med maks 5 HP.

Arnt Ola

Eg ville sagt 5k spar (minst) og 4k hjerter (minst) og ikkje krav. Eg hadde overført til spar og deretter meldt hjerter for å krevje.

Haldor

Trur det er størst frekvens på å bruke det som invitt til utgang med 5 spar og 4 hjerter. Alternativt må du med denne beholdninga innlede med å overføre til 2 spar, for så å melde 3 hjerter. Då er du allereide komen vel høgt om makker ikkje tek mot nokon invitt. Ved å avtale at den første sekvensen er invitt til utgang, brukar du den siste som rundekrav.

Sveinung

Her er mitt forslag etter 1nt-2kl-2ru-2sp. Det er ikkje krav og det viser 4 korts spar med en lengre minor. 2 sp er altså et forslag til kontrakt på 4-3 tilpass. 1 nt åpner kan altså velge å passe viss det ser fornuftig ut, eller spille minorkontrakt. 2 nt over 2 spar blir forslag til spill, mens 3 kl over 2 sp ber makker passe med 5 kl eller ta ut i 3 ru med ruter som minorfarge. Man må selvsagt avtale om en slik meldesekvens kun er for å finne beste kontrakt eller om 1nt åpner kan melde utgang med stålmaks og tilpass.

Man kan også "bake" inn noen varianter til i en sånn sekvens, men det er jo måte på kor mykje system man har lyst å gå rundt med i hodet.

Du	Makker
1 NT	2 kl (stayman)
2 ru (har ikkje)	2 sp
??